Hvað er Round Table 16
Round Table 16 er hluti af öflugum alþjóðlegum félagsskap ungra manna á aldrinum 20–45 ára. Við erum fjölbreyttur hópur úr hinum ýmsu starfsstéttum sem komum saman til að efla sjálfa okkur, vináttuna og samfélagið okkar í Fjarðabyggð.
Okkar Tilgangur
Markmið okkar er að sameina unga menn úr ólíkum áttum til að öðlast dýpri skilning á þjóðfélaginu og styrkja stöðu einstaklingsins innan þess. Við starfsm eftir hugsjóninni „Í vináttu og samvinnu“ og víkkum sjóndeildarhringinn með virkri þátttöku í landsstarfi og alþjóðlegu starfi Round Table International.
Saga og Einkunnarorð
Einkunnarorð hreyfingarinnar eiga rætur að rekja til ræðu Prinsins af Wales frá árinu 1927. Þar sagði hann þessi fleygu orð sem eru grunnurinn að nafni okkar og starfi:
„Ungir menn í viðskipta- og atvinnulífi þessa lands verða að koma saman hringinn umhverfis borðið, tileinka sér aðferðir sem hafa áður reynst farsælar, aðlaga þær breytilegum þörfum nútímans og bæta þær hvenær sem það er mögulegt.“
Hjá RT-16 lifum við eftir þessu á hverjum degi:
Tileinka (Adopt)
Aðlaga (Adapt)
Bæta (Improve)
Starfið hjá RT-16 Fjarðabyggð
Klúbburinn okkar er einn af 15 starfandi klúbbum á Íslandi. Við fundum að jafnaði aðra hverja viku yfir vetrarmánuðina. Fundirnir okkar eru eins fjölbreyttir og þeir eru margir; allt frá áhugaverðum fyrirtækjaheimsóknum og fræðsluerindum yfir í óformlegar samkomur, útivist og skemmtun. Starfsárið nær hámarki á AGM (Annual General Meeting), þar sem klúbbar landsins koma saman til að fagna árangri ársins og skipta um stjórn.
Alþjóðlegur Kraftur
Það sem gerir RT-16 sérstakan er aðgangurinn að heimssamfélaginu. Með starfsemi í yfir 50 löndum er Round Table eins og að hitta gamla og góða vini í fyrsta skiptið, hvar sem er í heiminum. Hvort sem það er á landsvísu eða á svæðisfundum erlendis, þá eru tengslin sem myndast ómetanleg.
Viltu taka þátt?
Round Table er ekki lokaður félagsskapur, en til að tryggja góðan hóp þarf virkur meðlimur að bera nýja félaga upp til samþykktar. Ef þú ert ungur maður í Fjarðabyggð sem vilt láta gott af þér leiða, kynnast öflugum hópi og efla tengslanetið þitt, þá hvetjum við þig til að hafa samband við okkur.
Round Table 16 – Stoltur aðili að Round Table Ísland.
